የኢትዮጵያ ኢንዱስትሪ ግብዓቶች ልማት ድርጅት የሚሰጣቸውን አገልግሎቶች ለማሳለጥ የሚያስችል የደንበኞች ግንኙነት/አገልግሎት/ አስተዳደር ሥርዓት/Customer's Relations management System/ አስጠንቶ በስራ ላይ ለማዋል ዝግጅቱ ማጠናቀቁን መስከረም 14 ቀን 2019 ዓ.ም ዋና በድርጅቱ የመሰብሰቢያ አዳራሽ የሚመለከታቸው የስራ ክፍሎችና የድርጅቱ አመራሮች በተገኙበት ይፋ አደረገ፡፡

አቶ ዮናስ ዘለቀ የኢኢግልድ ተ/የዋና ስራ አስፈጻሚ ጽ/ቤት ሃላፊ በመርሐግብሩ መክፈቻ ሥነ ስርዓት ላይ ባደረጉት ንግግር ኢኢግልድ በተሰጠው ተግባራትና ሃላፊነቶች መሰረት የሚሰጣቸውን አገልግሎቶች በማዘመንና በማሳላጥ የተገልጋዮችን ፍላጎት ለማርካት ትኩረት ሰጥቶ አየሰራ የሚገኝ እንደሆነና ይህም ሶፍትዌር እንዲለማ ሲደረግ በዋናነት አሰራሩንና አገልግሎት አሰጣጡን ከተገልጋዮች ፍላጎት አንጻር የተገናዘበ እንዲሆን ከፍተኛ ክትትል እንደተደረገበት ገልጸዋል፡፡

ስለዚህም በቀጥታ ከድርጅቱ ደንበኞች ጋር ግንኙነት ያላቸው የስራ ክፍሎች በተለይም በድርጅቱ የሚገኙ የሽያጭ ባለሙያዎች፣ የአስተዳደር ሥርዓቱን የሚመሩትና የሚከታተሉት የስራ ክፍሎች ትግበራውን በትኩረት እንዲያስፈጽሙ አሳስበዋል፡፡

በመርሐግብሩ ላይ የማርኬቲንግ፤ ደንበኞች አገልግሎትና ዲስትሪክት ዘርፍ ሃላፊዎችና ባለሙያዎች፤ የኢንፎርሜሽንና ቴክኖሎጂ ዳይሬክቶሬት ሃላፊና ባለሙያዎች እንዲሁም የሽያጭ ባለሙያዎች ተሳትፈዋል፡፡