የኢትዮጵያ ኢንዱስትሪ ግብዓቶች ልማት ድርጅት በኦሮሚያ ብሔራዊ ክልላዊ መንግስት ምዕራብ ሐረርጌ ዞን ጡሎ ወረዳ ሒርና ከተማ ለሚገኘው በከልቸ በሪ ቅድመ አንደኛ ደረጃ ትምሕርት ቤት አምስት የመማሪያ ክፍሎች ለመገንባት የመሠረት ድንጋይ አስቀመጠ፡፡ በተጨማሪም የጽሕፈት መሣሪያዎች፣ ደብተሮችና የተማሪዎች ቦርሳ ድጋፍ ነሐሴ 5 ቀን 2018 ዓ.ም አደረገ፡፡

በድጋፍ አሰጣጥ ሥነ ስርዓቱ ላይ በኢኢግልድ ተ/ዋና ሥራ አስፈጻሚ አቶ ደዊት አዳነ የተመራ የድርጅቱ ሥራ አመራር አባላት፤ የምዕራብ ሐረርጌ ዞንና የጡሎ ወረዳ አስተዳደ ከፍተኛ አመራሮች፣ የሒርና ከተማ አስተዳደር አካላት፣ የወረዳው ትምህርት ጽ/ቤትና የትምህርት ቤቱ ሃላፊዎችና መምህራንን ጨምሮ ተማሪዎችና ወላጆች ተገኝተዋል፡፡

የኢትዮጵያ ኢንዱስትሪ ግብዓቶች ልማት ድርጅት ማህበራዊ ግዴታውን ለመወጣት በተለያየ መልኩ የገንዘብ፣ የቁሳቁስ፣ የመማሪያ ክፍሎችና የመኖሪያ ቤቶችን በመገንባት ለማህበረሰባችን ድጋፍ እያበረከተ የሚገኝ ሲሆን ለአብነትም በወላይታ ያረጁ የአቅመ ደካማ ዜጎች ቤቶችን ገንብቶ በማስረከብ ፣ በኢዲስ አበባ ቂርቆስ ክፍለ ከተማ ያረጁ የመማሪያ ክፍሎችን አዲስ መልክ በመገንባትና በአፋር ክልል በተፈጥሮ አደጋ የተጎዱ ዜጎችን ለመታደግ ድጋፍ ከማድረጉም በሻገር የማህበረሰባችንን ችግሮች ለመቅረፍ ማሕበራዊ ግዴታውን ለመወጣት በትኩረት እየሰራ ይገኛል፡፡