የኢትዮጵያ ኢንዱስትሪ ግብዓቶች ልማት ድርጅት አመራሮችና ሠራተኞች የድርጅቱን የ2017 በጀት ዓመት ስኬታማ አፈጻጸምና የታላቁን ህዳሴ ግድብ መጠናቅ ምክንያት በማድረግ ዛሬ ጷግሜ 4 ቀን 2017 ዓ.ም በአዲስ አበባ በድምቀት አከበሩ፡፡

የድርጅቱ ዋና ሥራ አስፈጻሚ ክብርት ወ/ሮ የሺመቤት ነጋሽ በስነስርዓቱ መክፈቻ ላይ ባደረጉት ንግግር እያከበርን ያለነው ይህ ክበረ በዓል በሁለት ምክንያቶች የተለየ እንደሆነ አመልክተው የመጀመሪያው የሁሉም ኢትዮጵያዊ አሻራ ያረፈበትና የኢትዮጵያዊያን ዳግማዊ የአድዋ ድል መገለጫ የሆነው ታላቁ የህዳሴ ግድብ መጠናቅ እና እንደተቋም በሁለተኛው የድርጅታችን ስትራቴጂክ እቅድ ማብቂያ ዓመት በሆነው 2017 በጀት ዓመት ዕቅዳችንን ካለፉት አራት ዓመታት በተሸለ ስኬት መፈጸማችን መሆኑን ገልጸዋል፡፡

ድርጅቱ በበጀት ዓመት የዕቅዱን 112 በመቶ አፈጻጸም ያስመዘገበ መሆኑን ያመለከቱት የድርጅቱ ዋና ስራ አስፈጻሚ የተገኘው ውጤት የድርጅቱ አመራሮችና ሰራተኞች ቅንጅትና ትብብር መሆኑን ገልጸው ይህም ቅንጅትና ተናቦ መስራት በ2018 በጀት ዓመትም ተጠናክሮ ሊቀጥል እንደሚገባ አሳስበዋል፡፡

በተያያዘም የኢኢግልድ ስራ አመራር ቦርድ አባልና የሥራ አመራር ቦርዱ ሰብሳቢ ተወካይ አቶ ሸዋን ግዛው ማሞ ባደረጉት ንግግር እንዳመለከቱት በዓሉ የሚከበርበት በዛሬ ዕለት የህዳሴ ግድቡ የተጠናቀቀበት፣ ኢኢግልድ ካለፉት 4 ዓመታት ወዲህ ከፍተኛ ውጤት የሰመዘገበበትና የአዲስ ዓመት ዋዜማ ላይ መሆኑ የድርጅቱንና የሀገራችንን የወደፊቱን መጪ ጊዜ ብሩህ መሆኑን የሚያበስር እንደሆነ ገልጻው እንኳን ለዚህ አበቃችሁ ብለዋል፡፡

አያይዘውም ይህ ውጤት የድርጅቱ ጠንካራ አመራሮች ባለሙያዎችና ሠራተኞች እንደሆነ አመልክተው ይህም የመኔጅመንቱና የሰራተኞች ቅንጅት ተጠናክሮ ሊቀጥል እንደሚገባ አስተያታቸውን ሰጥተዋል፡፡

በመጨረሻም የድርጅቱ መሠረታዊ የሰራተኞች ማህበር ሊቀመንበር አቶ ግርማቸው ጫን ያለው ሰራተኞች በበጀት ዓመቱ ስላስመዘገቤት አመርቂ ውጤት፣ ስለማኔጅመንቴና የማህበሩ አመራሮች ተግባብቶ መስራት፣በቀጣይ የድርጅቱ ማኔጅመንትና የማህበሩ አመራሮች ትኩረት ሰጥተው በሚሰሩባቸው ጉዳዮች ላይ በማተኮር መልዕክታቸውን አቅርበዋል፡፡