በኢፌዲሪ የሕዝብ ተወካዮች ምክር ቤት የንግድና ኢንዱስትሪ ጉዳዮች ቋሚ ኮሚቴ አባላት በኢትዮጵያ ኢንዱስትሪ ግብዓቶች ልማት ድርጅት(ኢኢግልድ) በመገኘት በድርጅቱ ግንባታቸው የተጠናቀቁና በግንባታ ላይ የሚገኙ የተለያዩ ፕሮጀክቶችንና በአዲስ መልክ እየተደራጁ የሚገኙ መጋዘኖችን ጥር 19 ቀን 2016 ዓ.ም አካሄዱ፡፡

የሕዝብ ተወካዮች ም/ቤት አባላቱ በድርጅቱ ዋና መ/ቤት ግንባታው የተጠናቀቀውን የተሸከርካሪ የቴክኒክ ምርመራ አገልግሎት ማዕከል፣ በቅርቡ ስራው ተጠናቆ ወደስራ የሚገባው የድርጅቱ የመረጃ ማከማቻ ማዕከል፣ ለዋና መ/ቤትነት የሚያገለግልና ከ2 ቢሊዮን ብር በላይ የሚወስድ በግንባታ ላይ የሚገኘው ባለ18 ፎቅ ህንጻ፣ ለኢንዱስትሪ ግብዓቶችና ውጤቶች ማከማቻነት የሚያገለግሉ መጋዘኖች እንዲሁም ቃሊቲ በሚገኘው ማዕከላዊ ዲስትሪክት ግንባታቸው የተጠናቀቁ የተለያዩ ፕሮጀክቶችን ጎብኝተዋል፡፡

ክብርት ወ/ሮ የሺመቤት ነጋሽ የኢኢግልድ ዋና ሥራ አስፈጻሚ በጉብኝቱ ወቅት ለቋሚ አባላቱ ስለፕሮጀክቶቹና ስለድርጅቱ አጠቃላይ እንቅስቃሴ ላይ ማብራሪያ የሱጡ ሲሆን ከአባላቱ ለተነሱ ጥያቄዎችም ምላሽ ሰጥተዋል፡፡