የኢትዮጵያ ኢንዱስትሪ ግብዓቶች ልማት ድርጅት(ኢኢግልድ) ከጥር 30- የካቲት 5/2016 ዓ.ም የኢትዮጵያ ሕብረት ሥራ ኮሚሽን በአዲስ አበባ ኤግዚቢሽን ማዕከል ባካሄደው 10ኛው አገር ዓቀፍ የሕብረት ሥራ ማሕበራት ኤግዚቢሽንና ባዛር ላይ ተሳተፈ ፡፡

በተዘጋጀው አገር አቀፍ ኤግዚቢሽን፣ ባዛርና ሲምፖዚየም በሃገሪቱ የተለያየ ክፍሎች የተደራጁ የሕብረት ሥራ ማሕበራት፣ የግብርና ምርት አቀነባበሪዎች፣ የኢንዱስትሪ/የፋብሪካ/ ባለቤቶች፣ የእርሻ መሣሪያ እና የግብርና ሜካናይዜሽን የሚያመርቱ/ከውጭ የሚያስመጡ/ ድርጅቶች፣ የግብርና ግብዓት አቅራቢ ድርጅቶች፣ የፋይናነንስ ተቋማት፣ የልማት አጋር ድርጅቶች፣ እንዲሁም ሌሎችም የአገልግሎትና የሥራ ግንኙነት ያላቸው ድርጅቶችና መ/ቤቶች ተሳትፈዋል፡፡

የዝግጅቱ ዓላማ ከሕብረት ስራ ማሕበራት ጋር ዘለቂ የገበያ ትስስር መፍጠር፣ የአምራቹንና ሸማቹን ህብረተሰብ የጋራ ተጠቃሚነት ማረጋገጥና ከኢንዱስትሪዎችና የምርት አቀናባሪዎች እንዲሁም መንግስታዊና መንግስታዊ ያልሆኑ ድርጅቶችና ከባለድርሻ አካላት ጋር ያለውን ግንኙነት ቀጣይነት ባለው መልክ ማስተሳሰርና የድርጅታችንን የኢንዱስትሪ ግብዓትና ውጤቶች አቅርቦት በተለይም በአግሮ ፕሮሰሲንግ ኢንዱስትሪ ዘርፍ ለተሰማሩ አምራቾች የግብዓት ግዢና ሽያጭ ማሳለጥ ነው፡፡

በዚሁ ኤግዚቢሽንና ባዛር የሚሳተፉ ሃለፊዎችን ባለሙያዎች የኢንዱስትሪ ግብዓቶች አቅርቦትን ለማከናወንና ሽያጩንም ለማሳለጥ በሚያስችሉ አሰራሮች ላይ ከባለድርሻ አካላት ጋር ግንኙነት በመፍጠር፤ ሀገር አቀፍ ገዥዎች፣ አስመጪ እና ላኪዎች፣ የሴክተሩ የመንግስት ተወካዮች፣ የፋይናንስ ተቋማት እና የልማት አጋሮች እንዲሁም ከሌሎችም ባለድርሻ አካላት ጋር በመገናኘት በግብዓት ግዢና ሽያጭ የተሻለ የልምድ ልውውጥ የተካሔደ ሲሆን የንግድ ትስስር (Busines to Business Transaction) ለመመስረት የሚያስችሉ ግንኙነቶችን በማከናወን የጋራ መግባባት ይፈጥራሉ ተብሎ ይጠበቃል፡፡

በ10ኛው አገር ዓቀፍ የሕብረት ሥራ ማሕበራት ኤግዚቢሽንና ባዛር ላይ ከተለያዩ የአገሪቱ ክፍሎች በተለያየ ዘርፍ በስራ ላይ የሚገኙ የሕብረት ሥራ ማሕበራት ተሳታፊ ሆነዋል፡፡